VOV4.Bahnar - Anih chĕp kơ̆l pơ gơ̆r Ƀô đô̆i vei lăng tơ ring sơ lam dêh char Kon Tum jang hơ doi hăm Anih jang đảng, khul kơ dră tơ ring pơ gơ̆r lơ tơ drong jang “Năr Đĭ đăng kon pơ lei vang vei lăng tơ ring sơ lam sơ năm 2022” tơ̆ 13 xăh sơ lam hăm 2 tĕh đak Lào păng Campuchia.

Hơ păh tơ mam ăn unh hnam tơ nuh lơ̆m “Năr đĭ đăng kon pơ lei vei lăng tơ ring sơ lam”

Kŭm hăm hơ len năng tơ drong jang kiơ̆ Tơ drong tơ chơ̆t đơ̆ng Khul kơ dră tĕh đak găh pơ gơ̆r tơ drong jang đĭ đăng kon pơ lei vang vei lăng tơ drong pơm tơm, tơ drong sơ đơ̆ng tơ̆ tơ ring sơ lam tĕh đak, Năr pôk pơ ư lơ trong jang tŏk mŭk drăm, tơ pôl, tơ plih ming đon tơ chĕng, trong jang xa kŭm đei tơ lĕch jang vă tơ gŭm ăn kon pơ lei tơ̆ tơ ring sơ lam.

Ƀlep ƀât ‘măng mă âu, Anih chĕp kơ̆l pơ gơ̆r khul linh Ƀô đô̆i vei lăng tơ ring sơ lam dêh char Kon Tum păng anih jang đảng, khul kơ dră tơ ring hơ păh 2 tŏ hnam ăn bơ ngai tơ nuh, tơ lĕch 1 trong jang rong rơ mo yŏng; 120 tơ pu tơ mam ăn unh hnam tơ nuh; hơ păh tơ mam, tơ gŭm jên ăn 90 hŏk tro tơ nuh, atŭm hăm ‘nŏh pôk pơ ư lơ khul grŭp, bơ ngai jang rơ gei lơ̆m tơ drong vei lăng tơ ring sơ lam tĕh đak.

Dơ̆ng: Tơ blơ̆