VOV4.Bahnar - Tơ drong gơ̆t lê̆ tơ drong jang tơ̆ dôm anih chih tơ roi jơ hngâm jăn vă tang găn jĭ COVID-19 tơ̆ dôm trong gre tơm lơ̆m dêh char Kon Tum đei pơm kiơ̆ đơ̆ng leng gong ‘năr 12/1/2022. Kiơ̆ kơ ‘nŏh 6 anih chih tơ roi jơ hngâm jăn kơ dêh char Kon Tum tơ̆ dôm trong gre tơm gô đei pơ dơ̆h jang. 

Trong mât tơ̆ Anih chih tơ roi jơ hngâm jăn kơ sô̆ 1- Sao Mai

Lơ̆m hla ar chih gơih ăn dôm anih jang kơ pal găh dêh char; Dơ nŏ anih vei lăng kon pơ lei dôm apŭng, plt pơ tho athei pơ dơ̆h jang hăm dôm anih chih tơ roi găh jơ hngâm jăn vă tang găn jĭ COVID-19 lơ̆m ‘năr 11/1, Dơ nŏ anih vei lăng kon pơ lei dêh char Kon Tum pơ jao ăn Kơ dră vei lăng kon pơ lei dôm apŭng, plt pơ gơ̆r iŏk pơ dreu tơ mam, kơ măy kơ mŏk, pơ gang, hơ met rơ gŏh, pruih pơ gang pơ lôch pơ rang jĭ adrol kơ yuih, lĕch vĕh đơ̆ng anih chih tơ roi jơ hngâm jăn âu.

Kon Tum jĭ dêh char mă hơ tuch tơ̆ tơ ring Tây Nguyên athei pơ dơ̆h jang tơ̆ dôm anih chih tơ roi găh jơ hngâm jăn vă tang găn jĭ COVID-19 tơ̆ dôm trong gre tơm kơ dâu klĕch dêh char.

Dơ̆ng: Tơ blơ̆