VOV4.Bahnar - Tơ̆ apŭng Tu Mrông, dêh char Kon Tum ‘mi tih đunh dôm năr âu ki pơm ăn tĕh hơ lih, hư 1,2 tŏ trong gre. Dang ei, khul kơ dră tơ ring oei hăt hơ met pơ ‘lơ̆ng hiong răm, pơm ‘lơ̆ng ăn tơ drong yak vih vât păng vei sơ đơ̆ng tơ drong arih xa ăn kon pơ lei.

Hơ tâp kơ ƀang chư roi tơ băt tơ̆ mĭnh anih tĕh hơ lih

Tơ̆ hơ năp dang ei vă pơm ‘lơ̆ng ăn tơ drong yak vih vât kơ kon pơ lei, tơ̆ dôm anih đei tĕh hơ lih tih tơ̆ trong gre năm truh tơ̆ 4 xăh găh Pơ mât apŭng Tu Mrông, anih jang kơ pal kơ apŭng jang hơ doi hăm Dơ nŏ anih vei lăng kon pơ lei dôm xăh pơ gơ̆r hơ tâp kơ ƀang chư roi tơ băt dôm anih krê hơ mơt; ăn khul gak hơ nơ̆ng, chă pơ tho tơ ƀôh ăn kon pơ lei păng gre kơ dâu vih vât klĕch anih tĕh hơ lih.

Minh anih tĕh hơ lih dêh tơ̆ trong năm tơ̆ 4 xăh găh Pơ mât kơ apŭng Tu Mrông

Hăm dôm anih hư iĕ rok trong năm tơ̆ pơ lei pơ la, trong năm tơ̆ xăh, apŭng Tu Mrông akŏm gre, kơ măy kơ mŏk păng khul bơ ngai jang vă pơm hơ met, chĕng trong vă huei pơm kơ nê̆ truh tơ drong yak vih vât, bơ̆ jang xa kơ kon pơ lei.

Dơ̆ng: Tơ blơ̆