VOV4.Bahnar - Tơ băt 50 sơ năm Jơ nei Đăk Tô – Tân Cảnh, ‘năr 24/4, Anih tơm vei lăng khŭl linh gô pơ gơ̆r, jang hơ dai hăm dêh char Kon Tum pơ gơ̆r Hop akŏm hăm hơ năn: “ Jơ nei Đăk Tô – Tân Cảnh”. Hop akŏm vă sơ kơ̆t hơ dăh kơ jă gĭt kăl đơ̆ng jơ nei Đăk Tô – Tân Cảnh hăm tơ drong jang găh tu Tây Nguyên păng hơ yak hơ tŏk tơ iung kăl đơ̆ng ‘măng tơ blăh hŭt ayăt Mi, dŏng teh đak tơ̆ anih tơ blăh Tây Nguyên. Tơ ƀôh hơ yak năm găh tơ drong hơ gei pơ gơ̆r, vei lăng păng bơ̆ jang iung tơ blăh, tơ gop lơ̆m jơ nei đơ̆ng tơ drong tơ blăh vang sơ năm 1972. Hop akŏm lăng kiơ̆ dôm ƀai hŏk jơ hnơr arih păng hlôh vao kăp gĭt lơ̆m chĕp kơ̆l, pơ gơ̆r đơ̆ng Trung ương Đảng, Quân ủy Trung ương, Anih tơm vei lăng khŭl linh găh tơ drong lăng tơ drong jang, tơ drong pơ gơ̆r, bơ̆ jang tơ drong jang, trong jang hơ dai khŭl linh; kơ plăh jang hơ dai đơ̆ng ƀô̆ đô̆i tơm hăm khŭl linh păng kon pơ lei Kom Tum, tơ ring Tây Nguyên. Kiơ̆ đơ̆ng noh, tơ mơ̆t yua, hơ tŏk lơ̆m tơ drong jang pơ jing păng vei lăng teh đak.

Thuem: Tơ blơ̆