VOV4.Bahnar - Lơ̆m dôm năr jê̆ têt âu tơ̆ dêh char Kon Tum, lơ gre chơ tơ mam Têt hơ nơ̆ng jur tŏk krang truh hăm kon pơ lei tơ̆ 6 pơ lei tơ ring kăn kư̆ kăch mang kơ Anih jang đảng dêh char Kon Tum tơ̆ xăh Măng Ri, apŭng Tu Mrông.

Kon pơ lei xăh Măng Ri iŏk nhŭng vă pơ gơ̆r xa têt

Têt sơ năm ‘nâu 145 unh hnam tơ nuh tơ̆ xăh Măng Ri 1 unh hnam đei dêh char Kon Tum tơ gŭm 600 rơ bâu hlak jên păng 28 unh hnam vă jê̆ tơ nuh 1 unh hnam đei tơ gŭm 300 rơ bâu hlak jên vă xa têt. ‘Ngoăih kơ ‘nŏh, dôm unh hnam âu oei iŏk đei tơ mam Têt đơ̆ng dôm khul grŭp, anih tĕch mơ dro păng khul jang tơ gŭm, 1 tơ pu đei kơ jă đơ̆ng 500 rơ bâu tŏk tơ̆ kơ pal.

Dôm pơ lei tơ̆ 6 xăh kăn kư̆ kăch mang kơ Anih jang đảng dêh char Kon Tum đei tơ gŭm nhŭng vă kon pơ lei xa têt Nguyên đán Nhâm dần

Ƀok Nguyễn Đình Hồng, Công ty jang hơ doi sâm Ngọc Linh Kon Tum ăn tơ băt, kŭm hăm xăh Măng Ri, tơ̆ 5 xăh kơ apŭng Tu Mrông, đei: Tê Xăng, Ngọc Lây, Ngọc Yêu, Đăk Na păng Văn Xuôi, Công ty hơ păh 1 pơ lei 2 tŏ nhŭng vă kon pơ lei xa têt.

Dơ̆ng: Tơ blơ̆