‘Nau trong jang vă hơmet pơ ‘lơ̆ng tơdrong tơchơ̆t tim mă ƀlep, vă vei lăng năng tông hơnăn sâm gĭt kăl Ngọc Linh. Kiơ̆ kơ ‘nŏh, Dơnŏ anih vei lăng kon pơlei apŭng Tu Mrông tơchơ̆t hŭt Hla bơar tơchơ̆t hơdăh tơdrong pơtăm păng sir iŏk sâm hlôi ƀơk ăn Công ty pơm Hơlăk Sâm Ngọc Linh lơ̆m năr 30/5/2022.

Tơdrong tơm ‘nŏh dôm tơdrong tơchơ̆t au tim mă trŏ ƀlep hăm yan au. Ƀok Võ Trung Mạnh, Kơdră chĕp pơgơ̆r Dơnŏ anĭh vei lăng kon pơlei apŭng Tu Mrông tơbăt, Kơ iĕng Kơdră chĕp pơgơ̆r Dơnŏ anĭh vei lăng kon pơlei apŭng kĭ tơchơ̆t Hla bơar drơ̆ng nơ̆r hlôi tơblang hơdăh păng chĭu pŭ tơdrong bơ̆h ƀơm glăi. Tơdrong Dơnŏ anih vei lăng kon pơlei apŭng Tu Mrông iŏk tơvĭh, hŭt Hla bơar drơ̆ng nơ̆r ư̆h kơ ƀlep yan au tơdrong pơtăm Sâm Ngọc Linh kơ mĭnh hơnĭh mơdro sa lơ̆m tơring vă hơmet ming tơdrong glăi păng jei jing tơdrong jang kăl hlŏh vă vei lăng năng tông hơnăn Sâm Ngọc Linh, vei lăng năng tông bơngai răt yua.