Tơ̆ hơnăp tơ pă yan âu ‘nâu, anih jang vei lăng pơtho pơhrăm dêh char Kon Tum tŏk bŏk jang kiơ̆ lơ trong jang vă vei sơ đơ̆ng tơdrong jang pơtho pơhrăm tơ̆ dôm hnam trưng. Kơtơ̆ng ang đơ̆ng Anih vei lăng găh pơtho pơhrăm dêh char Kon Tum ăn ƀôh, hăm jăl Mầm non dang ei dêh char oei ưh kơ măh 705 ƀiên chê̆, Jăl 1 ưh kơ măh 477, jăl 2 ưh kơ măh 497 păng jăl 3 ưh kơ măh 43 ‘nu ƀiên chê̆.

Kô Cao Thanh Diễm Quỳnh pơ tho nơ̆r Anh tơ̆ 2 hnam trưng jăl 1 lơ̆m pơ lei tơm Kon Tum

Vă hơmet ming ‘lơ̆ng tơdrong ưh kơ măh thây kô pơtho, anih jang vei lăng găh pơtho pơhrăm dêh char Kon Tum jang kiơ̆ proh hơmet, tơmơ̆t hơdai dôm anih pơtho pơhrăm mầm non, phổ thông teh đak đei anih pơtho iĕ; klăih song, hơmet ăn khŭl kanh ƀô̆ vei lăng, thây kô pơtho, bơngai jang lơ̆m tơ ring kơ dôm apŭng; hơmet ming ‘lơ̆ng tơdrong rơkăh, ưh kơ măh tơ̆ dôm tơ ring; klăih song, hơmet ăn thây kô pơtho jăl trung học phổ thông pơtho 1,2 tiết tơ̆ jăl 2, thây kô pơtho jăl 2 1,2 tiết tơ̆ jăl 1. Anih jang vei lăng găh pơtho pơhrăm dêh char Kon Tum kŭm hlôi athei Anih tơm vei lăng găh pơtho pơhrăm tơmơ̆t dơ̆ng ƀiên chê̆ tơdrong jang pơtho pơhrăm oei ưh kơ măh.