VOV4.Bahnar - Pơgê năr 28/9, mă đơ̆ng ư̆h gan ƀơm kơnê̆ kơtang nhen tơdra hơdrol, mă lei tơ̆ dêh char Kon Tum kial hơbŭt kơsô̆ 4 jei hlôi pơm đak lơplơ chŭn mir, tĕh tơdrŭt hơlĭh kơhrĕng hơnĭh tĭh iĕ tơ̆ rim jăl trong nơnăm.

Mĭnh hơnĭh tĕh tơdrŭt hơlĭh tơ̆ trong glung 40B găh hlŏh apŭng Tu Mrông

Kơdră chĕp pơgơ̆r tơring hrei au tŏk bŏk iung jang hơmet pơ ‘lơ̆ng păng atŏk jơhngơ̆m đon kơchăng hăm tơdrong đei đơ̆ng rŏng kial hơbŭt kơsô̆ 4 pơm ăn.

Đak tơ̆ rim đak kroong hơboong thoong đak lơ̆m apŭng Đak Tô tŏk blai lơ̆m chŭn na ƀa đak

Atŭm hăm atŏk kơtang khŭl jang hơmet ming trong nơnăm, kơdră tơring kơ dêh char Kon Tum, mă kăl ‘noh tơ̆ rim apŭng: Tu Mơ Rông, Kon Plông, Đăk Glei… tŏk bŏk hơdrin tơgŭm djru kon pơlei hơmet pơ ‘lơ̆ng tơdrong hiong răm găh hnam oei, ƀa hơƀo pro hơmrĕ tơgum ăn kon pơlei tĕnh koăng sơđơ̆ng erĭh sa. Adoi hơnơ̆ng vei jơ jăp khŭl bơ̆ jang ư̆h pơhơi hăm tơdrong răm đơ̆ng kial hơbŭt kơsô̆ 4 pơm ăn.

VOV Tây Nguyên/Amazưt tơblơ̆ nơ̆r