VOV4.Bahnar – Đơ\ng ro\ng 47 xơnăm năr đei io\k jơnei rơngei, dêh char Kon Tum hlôi hơto\k tôm tong, tơdrong erih kon pơlei hơnơ\ng đei hơto\k. Mă kăl, dêh char Kon Tum tơre\k kăp g^t hơto\k pơm jang y te# tơ\ tơring, tơgop vei lăng jơhngơ\m jăn kon pơlei, hơmet klaih lơ tơdrong j^; hơ ‘nhăk lơ pơlei pơla găn hloh pơrang j^ Covid-19.

Pơtơm ăh blu\ng jơ bơ\ jang ăh pơgê, A Thoát, bơngai Xơ đăng oei tơ\ pơlei Tê Pen, xăh Đăk Trăm, apu\ng Đăk Tô, dêh char Kon Tum chơ ‘nhăk kon ie\ năm truh Anih jang Y te# xăh.

Kiơ\ đơ\ng pơma dơnuh A Thoát ăn tơbăt, kon xư noh  Y Hồng Ân (4 xơnăm) [ơm j^ Covid-19. Vă tang găn tơdrong mă kon drăkăn păng unh hnam tơpoh j^ jăn, noh unh hnam xư ‘nhăk kon năm truh anih jang y te# vă io\k hơlen test renh: “Pơgê âu ngêh vă ‘nhăk kon năm ho\k cho\ng mă kơtơ\ng kô pơtho athei pơdơh. Vă tang găn noh ‘nhăk kon năm test renh adrol. Truh anih jang pơgang âu noh [ôh bơngai jang tơ\ hnam pơgang dăp đon dăp bơnôh noh adoi xo# lơ\m đon”.

Duh đơ\ng tơdrong dăp đon noh, tơnăp hăm jơhngơ\m jăn kon pơlei đei đe thâi pơgang tơ\ Anih jang y te# xăh Đăk Trăm, apu\ng Đăk Tô pơm jang dôm j^ xơnăm kơ âu hlôi tơgu\m ăn kon pơlei lơ\m xăh, hăm 97% noh kon pơlei Xơ đăng đei lơ tơplih kăp g^t lơ\m tơdrong vei lăng jơhngơ\m jăn kơdih po.

Rim ‘măng j^ pơlo\ kon pơlei adoi năm truh Anih jang y te# xăh, pă đei tơdrong chă hơvơn pơjâu truh xoi tơpuh kie\k kơne# j^ jăn; drăkăn rơneh nge ưh đei oei lơ\m pơk tơ\ bri mă năm truh anih jang y te#; tơdrong erih roi năr kon pơlei roi tơre\k lơ\m tang găn j^... Pơmai Y Nít, oei tơ\ pơlei Đăk Trăm ăn tơbăt: “Inh păng kon pơlei truh Anih jang y te# noh đei [ak sih khăm hơmet j^ tơnăp. Mơ\ng kiơ\ nơ\r pơtho đơ\ng [ak sih, unh hnam yơ duh et xa x^n, nhă đak to#, hnam oei noh pơ ‘nguaih rơgoh. Vă tang găn pơrang j^ inh păng kon pơlei le\ch tơ\ trong cho# che gom [o\. Mưh pơlo\, hie\n, hơkâu jăn lap noh tơroi hloi hăm kang [o# y te#”.

Kiơ\ kơ pơmai Y Thuy, kơdră anih jang y te# xăh Đăk Trăm, apu\ng Đăk Tô, atu\m hăm anih pơm jang đei axong man kơjăp, khei năr tơje# âu anih jang oei đei axong dôm kơmăi pơm jang nhen kơmăi siêu âm, kơmăi pơkă plei nuih... noh tơdrong hơmet j^, vei lăng jơhngơ\m jăn ăn kon pơlei roi năr roi tơnăp hloh: “Đei axong tơmam drăm kơmăi kơmo\k tôm tong, dang ei tôm tơdrong j^ hmă anih jang adoi gơh hơmet tơ\ anih jang ưh gan chơ ba tơ\ hnam pơgang tơm. Anih jang axong ăn rim bơngai pơgơ\r rim thôn pu\ xơnong jang găh thôn kiơ\ kơ noh hơlen kơjăp tơdrong hơbuh đơ\ng pơrang j^”.

Truh dang ei, 47 xơnăm đơ\ng ro\ng kơ đei io\k jơnei rơngei păng 31 xơnăm đơ\ng ro\ng kơ năr tơ iung pơjing dêh char Kon Tum, tơdrong jang y te# tơ\ tơring kơ dêh char Kon Tum hlôi đei hơto\k hơdăh găh tơdrong vei lăng jơhngơ\m jăn ăn kon pơlei. Dang ei dêh char Kon Tum đei 10 anih jang y te# tơ\ apu\ng, 99 anih jang y te# xăh, phương, th^ tra#n; 100% anih jang y te# xăh đei [ak sih bơ\ jang đei bơngai jang hơnhơl nge. 100% anih jang y te# chă khăm hơlen tơdrong j^ [ơ\t blu\ng; tơle\ch khăm hơmet j^ kiơ\ pơkăp kih thuơ\t păng tơdrong juăt jang; tơguăt trong hơmet j^ y ho\k kôh truyên hăm y ho\k ‘nao dang ei lơ\m khăm hơmet j^. {ak sih chuyên khoa II Trần Ái, pho\ Kơdră Anih jang Y te# dêh char Kon Tum xơkơ\t: “Anih jang Y te# nhôn xơkơ\t athei hơto\k pơ ‘lơ\ng găh vei lăng jơhngơ\m jăn Kon pơlei lơ\m tơring, mă kăl lơ\m noh hơyak truh y te# tơ\ tơring vă pơm tro\ tơdrong kăl vei lăng jơhngơ\m jăn ăn kon pơlei tơring ataih yaih, tơring kon pơlei kon kông. Tơdrong jang y te# tơ\ tơring đei hơmet rim tơdrong. Axong răt kơmăi kơmo\k, axong ming man anih jang păng axong bơngai jang vă  tơnăp tơdrong vei lăng jơhngơ\m jăn kon pơlei tơ\ pơlei pơla”.

Kơso# hơlen đơ\ng Anih jang Y te# dêh char  Kon Tum lơ\m 3 xơnăm kơ âu ăn [ôh, tơdrong jang y te# tơ\ xăh hlôi khăm, hơmet j^ ăn hloh 1 tr^u 200 rơbâu ‘nu bơngai j^ păng tơ\ apu\ng noh hloh 646.000 ‘nu bơngai j^. Tơpă ăn [ôh mă tơdrong jang xa yua đơ\ng kon pơlei dêh char Kon Tum tam mă kơjung, lơ xăh lơ\m dêh char duh oei tơnap tap cho\ng mă gơnơm hơyak tơnăp lơ\m tơdrong jang y te# noh tơdrong vei lăng jơhngơ\m jăn kon pơlei duh đei tơre\k tro\ [lep. ‘Nâu jing minh lơ\m dôm tơdrong kăp g^t vă dêh char Kon Tum dru\t mu\k drăm tơpôl hơto\k tơ iung pran.

Lan chih păng pơre nơ\r