VOV4.Bahnar – Pơm kiơ\ Tơdrong pơkăp kơ teh đak “Rim xăh minh tơmam drăm” OCOP, xơnăm 2021 dêh char Kon Tum pơjing đei 58 tơmam drăm hơto\k kơso# tơmam OCOP kơ dêh char truh 146 tơmam păng adoi đei đơ\ng 3 truh 5 sao. Lơ\m khei năr tơnap tap, răm đơ\ng pơrang j^ COVID-19, dôm tơ ‘ngla kơ tơmam drăm OCOP, anih jang kơpal dêh char Kon Tum hlôi đei lơ tơdrong rơgei lơ\m tơroh, te\ch tơle\ch hơ ‘nhăk tơmam drăm tơgop pơm hơto\k tơdrong erih kon pơlei tơring pơxe\l.

Xăh Đăk Pxi, apu\ng Đăk Hà, dêh char Kon Tum đei đe ư ang hăm tơmam drăm OCOP tơ[ăng pơle bri xơ\k kro. Xơnăm 2021 kon pơlei lơ\m xăh gơ\ io\k, pơm tơle\ch đei pơhlom 12 ta#n tơ[ăng pơle kro te\ch tơle\ch lơ\m tơring. Kơtă lơ\m khei năr pơrang j^ COVID-19 hơbuh hli, tơmam OCOP tơ[ăng pơle kơ xăh Đăk Pxi duh oei đei bơngai răt yua xơng drơ\ng. A Sáo, oei tơ\ pơlei Kon Pao Kla ăn tơbăt, gơnơm vang jang lơ\m tơmam OCOP hơto\k đei kơjă, kon pơlei lơ\m xăh đei io\k yua lơ hơto\k tơdrong erih, đơ\ng noh roi pơ ‘lơ\ng tơmam drăm po: “Pơtơm đơ\ng khei  7 kon pơlei năm tơ\ bri gơ\ tơ[ăng pơle. Kon pơlei kơdih pơm tơle\ch tơmam drăm đơ\ng tơ[ăng pơle. Vă gơh đei tơmam rơgoh ‘lơ\ng, te\ch ăn teh đak đe kơtă đơ\ng ro\ng kơ gơ\ đei tơ[ăng pơle noh athei tenh kuăng ‘lek kơđoh păng athei ơ\p hloi. Đang kơ noh to\ng io\k tong hăm đak [lăng, ôp rơgoh, chet klat xơ\k tơ\ to# dăh mă pơhang hăm ngar. Adrol kơ ‘nu\ng lơ\m kơdu\ng noh athei hu\t le# dôm hlak tơ[ăng ưh kơ ‘lơ\ng, rơih io\k dôm hlak ‘lơ\ng hloh noh bơngai răt pơtơm lăp, xa ‘lơ\ng. Kon pơlei đei yua đơ\ng  tơ[ăng pơle noh roi lăp chă pơjing, roi tơnăp hloh”.

Xơnăm 2021 lơ\m khei năr pơrang j^ COVID-19 hơbuh hli, dôm anih jang mu\k drăm, hơp tak xăh, unh hnam jang mu\k drăm kơ dêh char Kon Tum duh pơjing đei 58 tơmam OCOP hăm tơmam hlôi đei tơ\ tơring. Lơ\m noh hơdăh noh khul tơmam đei bơ\ đơ\ng sâm Ngọc Linh, ka phê, sâm hroi, plei ‘long xa... Pơmai Hồ Thị Kim Oanh, Kơdră Anih jang Pơm tơle\ch păng Te\ch pơdro Lâm Thịnh, tơ\ apu\ng Đăk Tô ăn tơbăt, anih jang mu\k drăm hlôi pơjing đei tơmam Hla che sâm hroi Ngọc Linh đei pơkăp 3 sao păng pơtoi keh đang tơdrong pơm tơle\ch minh [ar tơmam drăm nai: “Anih jang ‘nao pơm jang lơ\m pơkăp OCOP. Ăh mă te\ch tơle\ch lơ\m tơring găh tơdrong tơgar te\ch pơdro pơtêng hăm dôm hơnăn tơmam nai đe xư jo# hơlen truh tơdrong te\ch răt đơ\ng đunh bơih noh pơtêng hăm kơdih po oei tơjruh hloh. Đơ\ng ro\ng 2 xơnăm vang jang lơ\m pơkăp OCOP um ai hlôi đei hơmet pơ ‘lơ\ng. Găh tơdrong te\ch răt to\ xe\t jat noh 50% găh tơdrong tơgar, găh um ai kơdu\ng truh tơdrong ‘lơ\ng tơmam drăm. Ăh mă ba te\ch tơle\ch lơ\m đie#n tưh Shopee ba duh ưh đei tơjruh hloh kơ tơmam drăm nai”.

Jo# truh đ^ xơnăm  2021, dêh char Kon Tum hlôi pơjing đei 146 tơmam pơkăp OCOP đơ\ng 3 truh 5 sao. Vă xơkơ\t hơnăn, hơto\k kơjă tơmam drăm, tơdrong tơroh te\ch tơle\ch lơ\m tơring đei tơre\k truh. Lơ\m khei năr pơrang j^ COVID-19 hơbuh hli, dôm tơ ‘ngla kơ tơmam drăm OCOP tenh kuăng tơplih te\ch tơle\ch kiơ\ trong đie#n tưh nhen kênh răt te\ch răt Lazada, Shopee, Sendo, Tiki. Yă Lương Thị Mỹ Huệ, Kơdră Anih jang Pơgang Hla ‘long Tây Nguyên xơkơ\t, anih jang mu\k drăm hlôi đei jơnei gơnơm lơ\m tơplih tơtom: “Ưh đei tơle\ch dôm tơdrong jang te\ch pơdro noh anih jang mu\k drăm athei chă trong ăn kơdih po. Anih jang mu\k drăm hlôi vang jang lơ\m anih te\ch răt đie#nt ưh nhen Tiki, Shoppe. Adro# đei dôm kênh âu pơtơm gơh ke\ dơ\ng kơjăp. Tơdrong te\ch đie#n tưh noh đei jơnei tơpă”.

{ok Nguyễn Quang Hòa, Pho\ Kơdră Anih tơm Hơto\k tơring pơxe\l dêh char Kon Tum ăn tơbăt, lơ\m khei năr tơnap tap đơ\ng pơrang j^ COVID-19 hơbuh hli, yak hadoi hăm dôm anih jang mu\k drăm, hơp tak xăh, unh hnam jang te\ch pơdro vă te\ch tơmam pơkăp OCOP, anih jang hlôi jang tơnăp xơnong te\ch tơle\ch lơ\m tơring, tơgu\m te\ch tơle\ch tơmam drăm. Gơnơm thoi noh ưh adro# pơm tơjur kơđeh hloh tơdrong răm đơ\ng pơrang j^ mă oei hơto\k tơdrong te\ch pơdro đie#n tưh: “Lơ\m khei năr COVID, Anih Choh jang xa duh hlôi tơgu\m ăn Anih vei lăng kon pơlei dêh char pơjing khul pơgơ\r pơm tơle\ch păng tơroh te\ch tơle\ch tơmam drăm choh jang xa lơ\m dêh char. Ba duh tơroi tôm tơmam drăm pơkăp OCOP kơ po ăn Anih tơm Choh jang xa păng hơto\k pran dôm kênh te\ch răt đie#n tưh. Kiơ\ đơ\ng noh đe hơto\k kơtơ\ng ang duh tơroi ăn anih jang po vă te\ch tơle\ch tơ\ anăp păng đunh đai hloi. Oei hăm siu th^ noh tơroi tôm tơmam drăm pơkăp OCOP kơ po hlôi đei tơle\ch pơkăp”.

Dôm anih jang mu\k drăm, hơp tak xăh, unh hnam jang te\ch pơdro kơ dêh char Kon Tum xơnăm âu ki hăt hot tơplih jang te\ch pơdro kiơ\ pơkăp đie#n tưh hlôi pơm trong hơto\k te\ch tơle\ch tơmam drăm kơtă lơ\m khei năr pơrang j^ COVID-19 hơbuh hli. Bơngai jang mir ưh đei tơhlăk tơmam drăm pơtăm đei, đei io\k yua noh Têt âu duh oei vei xơđơ\ng tơno\ xơnêp xơnoa.

Lan chih păng pơre nơ\r