VOV4.Bahnar - Dơnŏ anĭh vei lăng kon pơlei dêh char Kon Tum hlôi pơjing Tơdrong tơchơ̆t pơm kiơ̆ kih luơ̆t kiơ̆ trong kăt kơchư̆k Kơdră chĕp pơgơ̆r Dơnŏ anĭh vei lăng kon pơlei apŭng Kon Plông, jăl jang 2021-2026 kơ ƀok Đặng Thanh Nam.  

Ƀok Đặng Thanh Nam vang hop akŏm lơ̆m năr Dơnŏ anĭh chĕp pơgơ̆r Đảng dêh char Kon Tum, hop akŏm lăng hơlen kih luơ̆t ƀok

Năr brei, năr, 21/9/2022, Jơnŭm vei lăng kon pơlei apŭng Kon Plông jei hlôi pơjing Tơdrong tơchơ̆t tơlĕch hŭt pơm kơdră tang măt Jơnŭm vei lăng kon pơlei apŭng Kon Plông jăl XV, jăl jang 2021- 2026 hăm ƀok Đặng Thanh Nam kơ yuơ pơm glăi kơtang rim tơdrong tơchơ̆t đơ̆ng Đảng, Khôi luơ̆t tĕh đak, ư̆h kơ trŏ lăp ‘lơ̆ng dôm tơdrong pơkăp kơ mĭnh ‘nu kơdră tang măt Jơnŭm vei lăng kon pơlei. Đei băt, ƀok Đặng Thanh Nam, Kơ iĕng Kơdră chĕp pơgơ̆r Đảng apŭng, Kơdră chĕp pơgơ̆r Dơnŏ aĭh vei lăng kon pơlei apŭng Kon Plông hlôi đei kơdră kơpal kăt hŭt đĭ đăng kơchư̆k bơ̆ jang Đảng păng chĕp pơgơ̆r tơring đei ƀơm trŭh tơdrong pơm glăi lơ̆m vei lăng groi tĕh păng tơ iung pơjing ming man.

Tơblơ̆ nơ̆r: Amazưt