Kon Tum: Kial hơbŭt, ‘mi prĕr pơm hiong răm vă jê̆ 6 ti 800 triu hlak jên
Thứ ba, 15:59, 25/04/2023
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar- Đơ̆ng rŏng mĭnh năr dăr lăng hơlen, chih jô̆ tơdrong hiong răm, kơtơ̆ng ang đơ̆ng Hơnih bơ̆ jang vei lăng mŭk drăm pơlei tơm Kon Tum, dêh char Kon Tum tơbăt ‘măng kial hơbut, ‘mi prĕr lơ̆m gơmăng năr 23/4 lơ̆m pơlei tơm Kon Tum hlôi pơm hiong răm truh 6 ti 800 triu hlak jên.
Hiong răm kơtang hloh lơ̆m ‘măng kial hơbŭt ‘mi prĕr tơ̆ pơlei tơm Kon Tum ‘nŏh găh tơdrong choh jang sa. Kiơ̆ đơ̆ng Hơnih vei lăng jang Mŭk drăm pơlei tơm tơroi, đei hloh 160ha ƀa vă jê̆ truh năr kĕch yoă hlôi răm kơtang kơ yuơ ‘mi prĕr, găh să hiong răm truh 70%.
Atŭm hăm chŭn na ƀa đak, ‘mi prĕr jei pơm pơrăm dang 2 ha 5 sao krôi hroi păng 5ha ‘nhot sa. Kơdră tơring atŭm hăm kon pơlei tĕnh koăng hơmet pơ ‘lơ̆ng đơ̆ng rŏng kial hơbŭt, ‘mi prĕr pơm ăn păng pơtho pơkă athei kon pơlei tơchăng hăm khei ‘năr ưh sơđơ̆ng đơ̆ng pơyan phang tơplih jing pơyan ‘mi.
Viết bình luận