VOV4.Bahnar - Anih jang đảng dêh char Kon Tum tơ lĕch tơ drong ki luơ̆t kăt pơ đĭ kơ chư̆k lơ̆m Đảng hăm ƀok Đặng Thanh Nam, Phó Bí thư đảng apŭng, Kơ dră vei lăng kon pơ lei apŭng Kon Plông. Đei băt tơ drong tơm pơm ăn Anih jang đảng dêh char Kon Tum ki luơ̆t ƀok Đặng Thanh Nam ‘nŏh ƀơm truh dôm tơ drong glăi mưh vei lăng tĕh păng tơ mât jên ming man.

Tơ drong jang man Hnam tih găh Tu tơ ring kơ drâm apŭng Kon Plông pơm glăi dôm tơ drong hơ găt đơ̆ng Luơ̆t găh tơ mât jên jang tĕh đak

Mă loi jĭ tơ drong ƀok Đặng Thanh Nam pơ gơ̆r bơ̆ jang tơ drong jang iŏk yoa tĕh pơm Hnam tih tơ̆ găh Tu tơ ring kơ drâm apŭng Kon Plông hăm hlŏh 21ha tĕh tam mă pơm hla ar tơ plih ming tơ drong iŏk yoa tĕh, tam mă ƀơk ăn hla ar jang pơm glăi dôm tơ drong hơ găt đơ̆ng luơ̆t găh tơ mât jên jang tĕh đak.

Anih jang đảng dêh char Kon Tum akhan, tơ drong glăi đơ̆ng ƀok Đặng Thanh Nam pơm hiong răm tôch lơ, pơm tơ lĕch nơ̆r pơ ma kơ nê̆ lơ̆m kăn ƀô̆, đảng viên păng kon pơ lei; pơm tơ jur đon lui hăm khul kơ dră chĕp kơ̆l đảng, khul kơ dră pơ gơ̆r tơ ring păng kơ dih kâu ƀok Đặng Thanh Nam.

Dơ̆ng: Tơ blơ̆