VOV4.Bahnar  -  Tơ\ dêh char Kon Tum lơ\m dôm năr kơ âu, dôm bơngai [ơm j^ COVID-19 pơtoi to\k lơ păng jo# truh năr 23/2 kơso# [ơm F0 kơ dêh char đơ\ng blu\ng hơbuh pơrang hlôi to\k truh 6.000 'nu.

          Adrol kơ noh lơ\m năr 21 păng 22/2 anih jang  y te# dêh char Kon Tum duh hlôi chih ako\m ja#p dêh char đei 344 F0. Tơdrong hiơ\r kơ đon noh kơso# bơngai [ơm COVID-19 lơ\m dêh char đei [ôh lơ tơ\ dôm tơring ataih yaih păng tơring kon pơlei kon kông erih jang xa. Vă hơto\k jang đei jơnei tơdrong tang găn păng tơjră pơrang j^, Jơnu\m pơgơ\r jang tang găn păng tơjră pơrang j^ COVID-19 dêh char Kon Tum pơkăl kon pơlei ne\ kơ hiơ\r, pơngơ\t kiơ ôh, mă lei duh ne\ kơ pơhơi pơho\; Jang atu\m kơjăp hăm dôm anih jang kơpal, jơnu\m pơgơ\r tơring lơ\m tơdrong jang tang găn păng tơjră pơrang j^ COVID-19; Pơm kiơ\ kơjăp pơkăp  “5K + Vaccine” lơ\m tang găn păng tơjră pơrang j^ COVID-19 kiơ\ pơkăp đơ\ng Anih tơm Y te#, mă hăt noh athei cho# che gom [o\ [ơ\t le\ch đơ\ng hnam păng athei [et vaccine vă bơ\ng j^ COVID-19.

Lan chih păng pơre nơ\r