Xơnăm 2022 tơdrong hơtŏk tơmam drăm kơ dêh char Kon Tum đei 9,5% pơtêng hăm xơnăm 2021. Hơkŏp tơmam drăm đei yua hăm rim 'nu bơngai tŏk đơ̆ng jê̆ 47 rơtuh hlj tŏk truh 52 rơtuh hlj. Tơmơ̆t lơ̆m jên mong teh đak pơkăp jang noh 4.000 rơtăl hlj, đei 100% pơkăp jang.

Lơ̆m xơnăm dêh char Kon Tum hơvơn đei 19 tơdrong vă jang hăm kơsô̆ jên chih măt pơhlom 1.600 rơtăl hlj. Atŭm hăm tơdrong jang đei jơnei, đei 4 tơchơ̆t kăp gĭt dêh char Kon Tum jang ưh đei jơnei noh: Tơdrong hơtŏk mŭk drăm ưh đei jơnei kiơ̆ Tơchơ̆t tŏk đơ̆ng 10% tŏk tơ̆ kơpal; Axong jên mong kơ tơring. Axong jên jang ming man kŏng păng Pơjing tơring pơxĕl 'nao duh ưh đei jơnei nhen tơchơ̆t tơlĕch.

Atŭm hăm noh tơdrong hơmet pơ 'lơ̆ng hăn chĭn, hơmet pơ 'lơ̆ng tơdrong axong jang, hơtŏk tơgar jang kơ dêh char tam mă đei hơtŏk hơdăh; Tơdrong hrŭ 'mong iŏk teh ming man tơdrong kăl kăp gĭt oei adar, hơvơn axong jang oei đei lơ tơdrong tơjruh...Kơtă lơ̆m pơma ăh pơtơm hop akŏm, ƀok Dương Văn Trang, Ƀĭ thư anih jang Đảng dêh char, Kơdră Hô̆i đŏng kon pơlei dêh char Kon Tum pơkăl rim bơngai tang măt akŏm pơm hơdăh dôm tơdrong oei tơhlăk păng xơkơ̆t đei trong jang vă hơmet lơ̆m xơnăm 2023