VOV4.Bahnar - Kơ sơ̆ brei (15/9), tơ̆ Hnam tơ moi Jang tơ bôl, plt Kon Tum, Dơ nŏ anih vei lăng kon pơ lei dêh char Kon Tum pơ gơ̆r Tơ drong jang chĕh phe anih tĕch mơ dro, bơ ngai pơ dro đơ̆ng rŏng 1 khei ‘năr pơ dơ̆h yoa đơ̆ng jĭ COVID-19.

Tơ drong jang chĕh phe anih tĕch mơ dro, bơ ngai pơ dro

Pơ ma nuh hăm kơ dră chĕp kơ̆l dêh char Kon Tum tơ̆ tơ drong jang chĕh phe, anih tĕch mơ dro, bơ ngai pơ dro, bơ ngai tang măt ăn lơ anih tĕch mơ dro tơ roi, đe sư oei tơ ƀâp lơ tơ drong mơ mat tat ‘nŏh jĭ dôm tơ drong đei đơ̆ng ki bơih mưh tơ mât jên jang xa, tĕch mơ dro, nhen: ưh jăh pơm pơ kĕh hla ar jang pơ ma atŭm păng tơ drong ƀơm truh tơ̆ tĕh pơ ma adrô̆; tơ drong “kơ pal tơ tŏ, hơ la tơ ngiĕt” lơ̆m tơ drong tơ gŭm tơ mât jên jang oei đei tơ̆ 1,2 tơ ring, anih jang.

Tơ̆ lơ tơ drong jang dôm anih tĕch mơ dro kŭm iŏk đei nơ̆r pơ kăp đơ̆ng Kơ dră vei lăng kon pơ lei dêh char Kon Tum găh tơ drong hơ nơ̆ng răp mơ̆ng nơ̆r tơ roi păng sek tơ lang dôm tơ drong ƀơm truh tơ drong tơ mât jên jang, pơm tơ lĕch, tĕch mơ dro mă anih jang ‘mĕh đei tơ gŭm.

Dơ̆ng: Tơ blơ̆