VOV4.Bahnar - Tơ̆ pơ lei tơm Kon Tum, Anih jang Đoan dêh char Kon Tum jang hơ dai hăm Anih vei lăng găh pơ tho pơ hrăm dêh char pơ gơ̆r Tơ drong pơ long Tin học hơ ioh dêh char Kon Tum ‘măng mă XXII sơ năm 2022. Vang pơ long Tin học hơ ioh dêh char Kon Tum ‘măng mă XXII sơ năm 2022 đei 90 ‘nu hŏk tro pơ long truh đơ̆ng dôm hnam trưng hŏk jăl 1, jăl 2 păng jăl 3 lơ̆m dêh char.

‘Nhŏng Xiêng Thanh Phúc, Bí thư Anih jang Đảng dêh char Kon Tum asong Bằng khen ăn hŏk tro iŏk đei jơ nei

Dôm hŏk tro pơ long tơ ƀôh tơ drong gơh hơ gei tin học đơ̆ng kơ dih kiơ̆ trong pơ long lơ̆m kơ măy tĭnh vă pơm dôm ƀai toán tơ̆ 3 grŭp: Grŭp A yua SCRATCH dăh mă Python vă tơ blang dôm ƀai toán Jăl 1; Grŭp B păng grŭp C yua Free Pascal, DevC++, CodeBlock, Python vă tơ blang dôm ƀai toán găh jăl 2, jăl 3. Pơ tôch tơ drong pơ long, Khŭl pơ gơ̆r pơ jao tơ mam hơ păh ăn kơ 31 ‘nu hŏk tro pơ long hơ gei hloh.

Thuem: Tơ blơ̆