VOV4.Bahnar - ‘Măng mă blŭng tơ̆ dêh char Kon Tum đei pơgơ̆r kơchơ sâm Ngŏk Linh păng rim tơmam drăm kăl tơklep hăm tơdrong jang tơmang pơ hiơ̆.

Hop tơbăt găh jơnŭm kơchơ sâm Ngŏk Linh tơ̆ apŭng Tu Mrông, dêh char Kon Tum

Tơdrong pơgơ̆r mơdro sa au đei apŭng Tu Mrông, tơring pơtăm sâm Ngŏk Linh păng ‘long pơgang tơm kơ dêh char Kon Tum pơgơ̆r đơ̆ng năr 24 trŭh năr 26/4 au kơnh. Hơdrô̆ kơchơ trư̆k tuyên gô đei pơgơ̆r lơ̆m 10 năr lơ̆m trang mơdro sa điên tư kơ dêh char đơ̆ng năr 22/4 trŭh năr 2/5/2022. Vang năm Jơnŭm kơchơ đei 44 hơdrơ̆r tơmam drăm kơ kon pơlei, hơnĭh mơdro sa, Hơp tak xah kơ apŭng Tu Mrông, dêh char Kon Tum păng minh ƀar hơnĭh jang đơ̆ng apŭng Nam Trà Mi, dêh char Quảng Nam, Bình Dương, pơlei tơm Đà Nẵng. Tơmam drăm đei tơƀô̆h tĕch mơdro tơ̆ jơnŭm kơchơ găh lơ ‘nŏh sâm Ngŏk Linh atŭm hăm rim kơ loăi ‘long pơgang, tơmam drăm gĭt kăl kơ loăi kro păng hlôi đei pơm tơlĕch.

Tơblơ̆ nơ̆r: Amazưt