VOV4.Bahnar – Năr 1/6, Anih Joh ayŏ, Tơplŏng kơdâu păng Tơmang pơhiơ̆ dêh char Kon Tum pơm Lêh xơkơ̆t păng pôk tơmam hơpăh pơlong bieh um khul hơ ioh hơnăn “Anih pơchơt hơpơi đơ̆ng đe oh”.  

Đơ̆ng rŏng 5 khei tơlĕch, Jơnŭm pơgơ̆r pơlong bieh um khul hơ ioh  “Anih pơchơt hơpơi đơ̆ng đe oh” hlôi iŏk đei hloh 5.700 tŏ um đơ̆ng hŏk tro dôm hnam trưng Jăl kơđeh păng THCS lơ̆m tơring kơ dêh char Kon Tum. Găn hloh 'măng pơlong hơgơ̆l, 200 tak phẩm rơgei hloh đei tơmơ̆t pơlong lơ̆m 'măng pơlong mă hơtuch păng đei pơdăh tơbang tơ̆ Anih Pơdăh – Thư viê̆n dêh char Kon Tum. Atŭm hăm Lêh xơkơ̆t păng pôk tơmam hơpăh pơlong bieh um đe hơ ioh, ƀơ̆t năr Đe Hơ ioh Apŭng plenh teh năr 1/6, lơ̆m dôm năr âu tơ̆ dêh char Kon Tum duh hlôi păng tŏk bŏk pơgơ̆r lơ tơdrong jang vă tơƀôh tơdrong tơrĕkt ơvei hăm đe hơ ioh, chăl bơngai vei lăng teh đak anô̆ anăp kơnh.

Lan chih păng pơre nơ̆r