VOV4.Bahnar - Ƀlep ƀât tơ băt 50 sơ năm tơ blăh Jơ nei Đăk Tô - Tân Cảnh (24/4), tơ̆ Cham xă 24/4 tơ̆ thĭ trơ̆n Đăk Tô, apŭng Đăk Tô, Anih jang đảng dêh char – Jơ nŭm pơ gơ̆r kon pơ lei – Dơ nŏ anih vei lăng kon pơ lei – Anih MTTQ Việt Nam dêh char Kon Tum pơm lêh tih tơ băt 50 sơ năm Tơ blăh jơ nei Đăk Tô- Tân Cảnh păng sơng iŏk Ƀăng chih tơ băt Anih gru groa gĭt kăl kơ tĕh đak tơ̆ Groi 1015 păng Groi 1049.

Jơ pơm lêh tơ băt

Tưk tơ iung jơ hngâm đon đơ̆ng tơ blăh jơ nei Đăk Tô- Tân Cảnh, 50 sơ năm âu ki Đảng ƀô̆, khul kơ dră pơ gơ̆r, linh hăm kon pơ lei dôm hơ drĕch hơ drung tơ̆ apŭng Đăk Tô pơ ma hơ drô̆, dêh char Kon Tum pơ ma atŭm ling lang mât 1 ƀơ̆r đon, akŏm jơ hngâm bơ̆ jang đei yoa dôm trong jang, tơ drong tơ chơ̆t, mă loi jĭ tơ drong tơ chơ̆t đơ̆ng Hop akŏm mă XIII kơ Đảng, Tơ drong tơ chơ̆t đơ̆ng Hop akŏm mă XVI đơ̆ng Đảng ƀô̆ dêh char păng iŏk đei lơ tơ drong jơ nei gĭt kăl.

Tơ̆ lêh tơ băt 50 sơ năm Tơ blăh jơ nei Đăk Tô - Tân Cảnh, Đảng ƀô̆, khul kơ dră tơ ring, linh păng kon pơ lei Kon Tum chơt hơ iă iŏk đei tơ drong tơ chơ̆t đơ̆ng Thủ tướng tĕh đak chih tơ mât Groi kông gĭt kăl 1015 păng groi 1049 găh apŭng Sa Thầy păng apŭng Đăk Tô mât lơ̆m anih gru groa gĭt kăl Tơ blăh jơ nei Đăk Tô - Tân Cảnh. Pơ tôch lêh, dôm bơ ngai tang măt lăng ngôi tơ drong hơ ri hơ xoang hăm hơ năn “Đăk Tô - Tân Cảnh - Mĭnh chăl tơ blăh vang”.   

Dơ̆ng: Tơ blơ̆