VOV4.Bahnar - Đơ̆ng rŏng hlŏh 2 sơ năm pơ dơ̆h yoa đơ̆ng jĭ COVID-19, tơ̆ dêh char Kon Tum pơ yan he âu, đe ŏh hơ iŏh đei truh hăm lơ tơ drong ngôi pơ chơt vă hơ tŏk đon pơ tâp pơ hrăm, gơ̆h hơ gei đơ̆ng kơ dih đei pơ gơ̆r tơ̆ lơ anih dơ̆ng. Truh dang ei, dôm Anih, Hnam jŏh hơ ri hơ xoang, hŏk pơ hrăm tơ̆ Kon Tum pơ gơ̆r lơ tơ drong ngôi pơ chơt pơ yan he sơ năm 2022 păng pơ tơm sơng iŏk đe hơ iŏh mât hŏk pơ hrăm tơ̆ dôm lăm hŏk chok, hŏk glơi, hŏk čhơ̆, hŏk nơ̆r Anh…

Lăm hŏk găh tơ drong jang Khul tơ̆ Anih jŏh ayŏ, tơ plŏng kơ dâu kơ đe hơ iŏh dêh char Kon Tum.

Tơ chĕng adrol lơ̆m pơ yan he ‘nâu, kơ sô̆ hơ iŏh tơ̆ dêh char Kon Tum vang truh tơ̆ dôm anih pơ tâp pơ hrăm vă hơ tŏk đon hlôh vao đơ̆ng kơ dih tŏk lơ. Mŏ Nguyễn Thị Tuyết Mai, Kơ dră Anih pơ tho pơ hrăm Đoàn- Khul hơ iŏh păng roi tơ ƀôh tơ drong jang, Anih jŏh ayŏ kơ dŏ xoang, tơ plŏng kơ dâu kơ đe hơ iŏh dêh char Kon Tum ăn tơ băt, anih hlôi hơ met tôm tơ drong tơ dăh kơ sô̆ hơ iŏh vang truh hŏk tơ̆ dôm lăm pơ tâp pơ hrăm pơ yan he sơ năm ‘nâu tŏk lơ.

Dơ̆ng: Tơ blơ̆