VOV4.Bahnar - Kơsơ̆ năr 10/10, tơ̆ pơlei tơm Kon Tum, Dơnŏ anĭh vei lăng Tơdrong jang Kơtơ̆ng ang păng Pơre nơ̆r dêh char Kon Tum pơgơ̆r Hop akom pơma dơnŭh, tơƀơ̆p mŭh măt tơbăt 70 sơnăm năr joăt joe Dơnŏ anĭh pơm tơlĕch, in tơlĕch păng tĕch mơdro kơsơ̆p hla bơar Việt Nam (10/10/1952- 10/10/2022). Ham dang 100 dơnŏ anĭh đei ăn asong Gơ̆h jang pơm tơlĕch, in tơlĕch, tĕch mơdro kơsơ̆p hla bơar sơđơ̆ng măh mai tĕch mơdro kơsơ̆p hla bơar au to tơgŭm hŏk pơhrăm păng chă đŏk lăng kơ kon pơlei.

Dêh char Kon Tum jei hlôi kĭ trong vă jang atŏk tơ iung Hơnĭh jang chĭh kơtơ̆ng ang, pơm tơlĕch, in tơlĕch păng tĕch mơdro hla bơar kơtơ̆ng ang trŭh sơnăm 2025, lăng trŭh sơnăm 2030. Tơ̆ jơ pơma dơnŭh, tơƀơ̆p mŭh măt, tang măt ăn mĭnh ƀar hơnĭh pơm tơlĕch, in tơlĕch păng tĕch mơdro kơsơ̆p hla bơar dêh char Kon Tum hlôi đei lơ nơ̆r tơgop ‘lơ̆ng hơ iă, tơlĕch đei lơ trong jang ‘lơ̆ng pơm sơđơ̆ng ăn ƀar păh tơdrong jang chĭnh trĭ păng đei iŏk yua tĕch mơdro; pơtrŭt, atŏk tơ iung jơhngơ̆m đon pơnam đŏk hla bơar lơ̆m kon pơlei.

VOV Tây Nguyên/Amazưt tơblơ̆ nơ̆r