Tơdrong jang “ Sơđơ̆ng kơjă tĕch tơmam năr hơdrol, lơ̆m păng rŏng Tết Nguyên đán Quý Mão sơnăm 2023" yua đơ̆ng Anih vei lăng kon pơlei dêh char Kon Tum tơlĕch jang đei 2 anih jang pơm hla ar vang jang, ‘noh đei Siêu thị Co.op Mart păng Siêu thị Win Mart. 2 anih jang âu bơ̆ jang kiơ̆ mong răk tơmam kơmăy kơmŏk, phe, tơmam sa hơdrih păng tơmam sa pơm hơmet hơdrol đei akŏp kơjă 53 ti hlak jên. Kon jên yua vă mong răk tơmam anih mơdro sa chă vei kơdih.

Vă pơm hiôk ăn kon pơlei đei ‘meh vă răt yua tơmam hơdrol, lơ̆m păng đơ̆ng rŏng Tết Nguyên đán Quý Mão sơnăm 2023, tơ̆ pơlei tơm Kon Tum 2 anih jang vang jang tơdrong jang sơđơ̆ng kơjă pơvei 2 hơnih tĕch kơjăp. ‘Ngoăih kơ 2 anih jang âu kŭm pơgơ̆r trong tĕch tơmam hăm gre chă tĕch tơ̆ 2 xăh kon pơlei kon kông mơ mat tat dêh hloh kơ dêh char Kon Tum, ‘noh: xăh Đăk Sao, apŭng Tu Mơ Rông păng xăh Mường Hoong, apŭng Đăk Glei.