Hrei au lơ̆m dêh char Kon Tum đei 87 hơnĭh tĕch mơdro đak xăng đak dau, lơ̆m 1 sơnăm tĕch đei 120.000m3. Dang ei mă đơ̆ng tơdrong tĕch mơdro đak xăng đak dau đei tơplĭh ư̆h kơ ‘lơ̆ng hơ iă mă lei rim hơnĭh tĕch mơdro tơ̆ Kon Tum oei vei kơ jăp tĕch mơdro măh mai ăn kon pơlei răt.

Mĭnh hơnĭh tĕch mơdro đak xăng đak dau kơ Petrolimex Kon Tum.

Jĭ hơnĭh mơdro kơ Tĕh đak tơmơ̆t 65% kon jên tơmơ̆t jang đak xăng đak dau kơ dêh char, tang măt ăn Hơnĭh hơdrai đak xăng đak dau Kon Tum sơkơ̆t hơdăh, Petrolimex Kon Tum gô sơđơ̆ng tĕch mơdro măh mai đak xăng đak dau lơ̆m dôm khei hơtuch sơnăm. Ƀok Nguyễn Văn Thành, Kơ iĕng Kơdră chĕp pơgơr Hơnĭh sơdrai đak xăng đak adu Kon Tum tơbăt, akŏp mong răk kơ rim hơnĭh găh Petrolimex Kon Tum dang 2.300 m3 păng hơnơ̆ng vei kơ jăp mong răk 80%. Hăm mong răk au, lơ̆m khei ‘năr kăl, Petrolimex Kon Tum gô sơđơ̆ng ‘mĕh vă răt yua đơ̆ng kon pơlei đơ̆ng 15- 20 năr. Atŭm hăm ‘nŏh hơnĭh jei hlôi bơ̆ jang hăm rim hơnĭh pơtrŭh ăn đak xăng đak dau vă hoei đei tơdrong ư̆h kơ măh dăh mă đĭ đak xăng đak dau lơ̆m dôm khei hơtuch sơnăm.