VOV4.Bahnar - Lơ̆m 3 năr âu ki, yak hơ dai hăm hloh 4.600 ‘nu hŏk tro, tơ drong jang tơ gŭm pơ yan pơ long đơ̆ng anih jang đoàn dêh char Kon Tum hlôi lăng ‘lơ̆ng lơ̆m ‘măng pơ long tốt nghiệp THPT sơ năm ‘nâu. Tơ drong jang tơ gŭm pơ yan pơ long sơ năm ‘nâu đei Khŭl chĕp kơ̆l Anih jang đoàn dêh char Kon Tum pơ gơ̆r tơ̆ 12 hơ nih pơ long kơ dêh char hăm hloh 700 ‘nu bơ ngang vang jang.

Lơ̆m 3 năr âu ki rim khŭl jang tơ gŭm hlôi asong vă jê̆ 5.000 che gom y tế;  150 get chai đak ôp ti; hloh 5.700 get chai đak nhă, ao ‘mi, tơ mam yua hŏk pơ hrăm... Hơ drô̆ khŭl gre chơ tơ gŭm hloh 1.300 ‘măng gre chơ đĕch ăn hŏk tro; kơ hrĕng ‘nu bơ ngai hiơ̆t kơ hla ar kăn kươk, tơ mam yua hŏk pơ hrăm păng tep pok đei tơ gŭm tơ tom.

Thuem: Tơ blơ̆