Truh năm akŏm jơ tơƀơ̆p muh măt đei bơngai tang măt Anih tơm pơgơ̆r khŭl lĭnh Quân khu 5, kơdră chĕp kơ̆l dêh char Kon Tum rim jơhnơr, ƀô̆ đô̆i kon pơlei nuih mơng păng 185 ‘nu bơngai tang măt ‘noh jĭ kang ƀô̆ gĭt kăl khŭl lĭnh pơdơh hưu.

Tơ̆ jơ tơƀơ̆p muh măt, dôm bơngai tang măt vang lăng, mơ̆ng Hơri hơsoang hăm hơnăn “80 sơnăm jơva ling lang ƀai hơri khŭl lĭnh”, tơƀlŏk dơ̆ng tơdrong joăt joe tơƀôh hơdăh jơnei iŏk đei đơ̆ng Khŭl lĭnh Kon pơlei Việt Nam lơ̆m 80 sơnăm âu ki, tơgop vei lăng kơjăp hiôk hian, pơm tơm ‘lơ̆ng hơgăt teh kơ Teh đak, vei lăng đei yua ăn teh đak, hơdrĕch hơdrŭng; vei lăng Đảng, Teh đak, Kon pơlei păng khŭl jang xã hội chủ nghĩa; vei kơjăp sơđơ̆ng chĭnh trĭ, cham char rơngei vă pơjing păng hơtŏk tơiung teh đak.