VOV4.Bahnar - Kơsơ̆ năr 12/9,  Ban Tuyên giáo Tỉnh ủy Kon Tum pơgơ̆r Pơm lêh tơlĕch ‘Măng pơlong tơchă băt vao “Kon Tum- 110 sơnăm tơ iung pơjing păng atŏk tơ iung”.

Rup Pơm lêh tơlĕch pơlong

‘Măng pơlong đei pơgơ̆r kiơ̆ ƀar trong: Pơlong chĭh păng pơlong trăk nghiêm lơ̆m Trang kơtơ̆ng ang điên tư kơ Ban tuyên giáo tỉnh ủy Kon Tum. Trong pơlong chĭh đei 3 tơdrong păng khei ‘năr hơtuch ba ăn ƀai pơlong lơ̆m năr 20/11/2022. Trong pơlong trăk nghiêm đei pơgơ̆r lơ̆m 3 khei, iŏk đơ̆ng 6 jơ pơgê năr 13/9 trŭh 9 jơ gơmăng năr 13/12/2022. Khŭl pơgơ̆r pơlong gô pơgơ̆r Pơm lêh pơtôch pơlong păng pôk hơpăh ‘măng pơlong hơdrol năr 5/2/2023. ‘Măng pơlong vă tơƀô̆h tơbăt, pơtho tơbăt ăn rim răih kon pơlei, mă kăl lơ̆m jơhnơr mơlô̆h băt hlôh ƀô̆h hơdăh hlŏh dơ̆ng găh chăl sơnăm tơ iung pơjing păng atŏk tơ iung kơ dêh char Kon Tum. Đơ̆ng nŏh tơgop atŏk kơtang jơhngơ̆m đon hlô̆h vao lơ̆m vei lăng, atŏk tơ iung dôm tơdrong joăt joe sơ̆ ki păng tơdrong oei sa jŏh ayŏ kơ pơlei pơla, tĕh đak.

Tơblơ̆ nơ̆r: Amazưt