Dôm hơ năp jang tơm đei Kŏng an dêh char Dak Lak iung jang ‘măng ‘nâu ‘noh đei: Tang găn ƀiơ̆ pơm glăi sek phak, pơm glăi ma túy, mŭk drăm, asong đe tŏk iŏk jên tơ̆ ‘ngoăih hăm jên cheh tôch kơ lơ, vei sơ đơ̆ng trong nơnăm, vei sơ đơ̆ng tang găn ŭnh sa pĭt ŭnh sa.

Dôm khei hơtuch sơnăm 2022, mă loi ‘noh jĭ năr hơdrol, lơ̆m păng đơ̆ng rŏng sa Tết Nguyên đán Quý Mão 2023, păng Lêh cheh phe Buôn Ma Thuột ‘măng mă 8, Kŏng an dêh char Dak Lak hơnơ̆ng hơtŏk loi dơ̆ng dôm trong jang tang găn pơm glăi, akŏm iung jang hăm dôm pơm glăi tĕch mơdro ôn, tơmam ya, tơmam pơm rok tơ̆ anih tĕch mơ dro, vei sơ đơ̆ng tơmam tĕch tơ̆ anih tĕch mơ dro lơ̆m năr Tết.