Tơdrong jang man Hnam kơmăy unh điên hat nhân Ninh Thuận 1 tơ̆ xăh Phước Dinh truh ‘năr 14/6 ‘nao iŏk pơdreu đei hlŏh 110 ha teh, kơsô̆ jên đei tơlĕch jang dang 44%. Tơdrong chưk pơ ‘ngoăih teh tơƀâp lơ pơmat tat yoa hla ar tơproh trong jang, hla ar teh tơ̆ tơring păng hla ar chih rim tơdrong jang oei ưh đei lei lăi băl găh teh vă bơ̆ jang. Tơ̆ tơdrong jang man Hnam kơmăy unh điên hat nhân Ninh Thuận 2 tơ̆ xăh Vĩnh Hải, teh đei iŏk pơdreu xă hlŏh 300 ha, jên tơlĕch jang hlŏh 1.200 ti, iŏk đei loi 74%.

Mă lei, oei đei hlŏh 40 ‘nu bơngai kăl hơlen năng vă pơm pơkeh hla ar kiơ̆ tơdrong hơgăt đơ̆ng luơ̆t. Tơ̆ hơnăp tơdrong kơhret ‘nŏh, dêh char Khánh Hòa athei dôm tơring akŏm jơhngâm, khul jang hơlen mă hơdăh rim tơdrong vă hơmet pơ ‘lơ̆ng, pơ ‘nhŏ ăn dôm tơdrong jang kăl bơ̆ jang hơdrol dang ei hloi. Kŭm hăm ‘nŏh, tơdrong pơjing ming tơring oei xa ‘nao athei tơlĕch jang hrơ̆ch ‘lơ̆ng, ming man mă ‘lơ̆ng anih jang, trong nơnăm lăp hăm tơdrong arih xa păng tơdrong juăt kơ kon pơlei.