Tơ̆ jơ sơng, Kơdră Quốc hội tơchĕng ‘lơ̆ng hơnăp jang, anih dơ̆ng đơ̆ng teh đak Đức lơ̆m Jơnŭm châu Âu (EU) păng lơ̆m apŭng plenh teh, kŭm nhen tơdrong tơgŭm đơ̆ng Đức hăm Trong jang lơ pang, tĕch mơdro hiôk hian păng pơm kiơ̆ ‘lơ̆ng khôi luơ̆t apŭng plenh teh, lơ̆m noh đei Tơdrong tơchơ̆t đơ̆ng Liên hợp quốc păng Tơdrong Hơgăt kơ Liên hợp quốc găh Luơ̆t đak dơsĭ sơnăm 1982 (UNCLOS 1982).

Ƀar păh lui akhan, hăm đon pơhnŏng chinh trĭ păng tơdrong adrin atŭm đơ̆ng kơdră chĕp kơ̆l 2 teh đak, tơdrong pơvei jang hơdoi gĭt kăl Việt Nam - Đức kŭm nhen jang hơdoi đơ̆ng Quốc hội 2 teh đak gô hơnơ̆ng tŏk pran ‘lơ̆ng, jrŭ xă păng đei yoa hlŏh dơ̆ng, yoa tơdrong đei yoa kơ kon pơlei 2 teh đak, atŭm hăm ‘nŏh vang tơgop ‘lơ̆ng ăn tơdrong rơngei, jang hơdoi păng jang tŏk tơ̆ tơring păng lơ̆m apŭng plenh teh.