Hop akŏm Tih ‘măng âu đei tơdrong ‘lơ̆ng gĭt kăl vă pơtrŭt pơvei Jang hơdai gĭt kăl ASEAN - Nga, hơmet ming nơ̆r pơkăp chĭnh trĭ, pơm ‘nao tưk tơiung jang hơdai păng pơjing trong jang gĭt kăl ăn pơvei ASEAN - Nga jăl jang truh lơ̆m pơ đĭ 3 tơdrong tơm chĭnh trĭ - sơđơ̆ng, mŭk drăm păng joh ayŏ - tơpôl.

Ƀlep ƀơ̆t vang truh Hop akŏm, Thủ tướng Lê Minh Hưng tơchĕng hơdrol đei dôm ‘măng pơma dơnuh, bơ̆jang hăm kơdră chĕp kơ̆l Liên bang Nga păng Cộng hòa Tatarstan; pơma hơdăh Việt Nam ling lang lăng kăl tơdrong pơvei tơbôl joăt joe. Jang hơdai gĭt kăl tôm tơdrong hăm Nga păng ‘meh vă pơvei, hơmet ming jang hơdai lơ̆m rim tơdrong jang yua kơ tơdrong đei yua hơdai kơ 2 hơdrĕch hơdrŭng, tơgop ‘lơ̆ng ăn tơdrong rơngei, sơđơ̆ng, jang hơdai păng hơtŏk tơiung tơ̆ tơring păng lơ̆m apŭng plĕnh teh.