Hop akŏm đei pơgơ̆r vă hlôh vao hơdăh Nơ̆r tơchơ̆t kơsô̆ 17 đơ̆ng Anih tơm Chinh trĭ păng dôm tơdrong kăl lơ̆m Tơdrong jang tơƀôh trong chih pơjing luơ̆t jăl jang kơ Quốc hội mă XVI; atŭm hăm ‘nŏh, pơma nuh găh nơ̆r athei, trong vă jang păng dôm tơdrong vă pơgơ̆r bơ̆ jang, pơm ‘lơ̆ng ăn tơdrong chih pơjing khôi luơ̆t.

Tơdrong jang chih hơdăh 6 nơ̆r pơtho, 6 nơ̆r athei hăm tơdrong chih pơjing luơ̆t lơ̆m jăl jang kơ Quốc hội jăl XVI, tơm ‘nŏh jĭ: Pơm ‘lơ̆ng ăn tơdrong chih pơjing, hơmet pơkeh rim khôi luơ̆t hăm tơdrong chĕp kơ̆l pơgơ̆r tôm tĕch, tôch kơjăp đơ̆ng Đảng; tơtom chih hơdăh trong pơgơ̆r jang mă tôm, trŏ hăm trong jang đơ̆ng Đảng.

Tơchĕng hơlen hơmet ming atŭm păng hơnơ̆ng chih hơdăh Khôi luơ̆t tơm; chih pơjing lơ tơdrong hơgăt kiơ̆ luơ̆t vă hơmet ming tôm tơdrong kiơ̆ rim tơdrong jang mŭk drăm, tơpôl. Tơdrong jang chih hơdăh tơdrong tơchĕng hơlen, hơmet ming Khôi luơ̆t tơm sơnăm 2013 lăp hăm yăn âu, athei jang atŏk tơiung teh đak lơ̆m chăl ‘nao; atŭm hăm ‘nŏh, chih hơdăh 8 trong jang chih pơjing khôi luơ̆t tơklep hăm 171 tơdrong jang kăl bơ̆ jang lơ̆m jăl jang kơ Quốc hội jăl XVI.