Hop akŏm 'măng mă ou ưh hơdrô̆ jĭ tơdrong akŏm tơbăt mă oei tơƀôh pơkăp chinh trĭ kơpal hloh kơ ASEAN păng Nga lơ̆m hơtŏk pơma đam, jang hơdoi, tơgop lơ̆m tơdrong rơngei hiôk hian, sơđơ̆ng vă hơtŏk tơ-iung.

'Măng năm jang kơ Thủ tướng Lê Minh Hưng vă hơtŏk sơnong "gơng tơroh" đơ̆ng Việt Nam, hơtŏk tơdrong drơ̆ng nơ̆r, tơgop dôm sơkơ̆t jang kăp gĭt, kiơ̆ đơ̆ng noh pơjing jơhngơ̆m pran 'nao ăn tơdrong jang tơbôl ASEAN - Nga. Tơ̆ 'măng hop akŏm ou, Việt Nam hơpơi 'meh atŭm hăm rim teh đak hơtŏk dôm tơdrong jang tam mă đei hơtŏk lơ nhen tĕch pơdro, khua hŏk kŏng ngê̆, tơplih kơmăi kơsô̆, vei sơđơ̆ng unh hơyuh, pơtho pơhrăm păng tơmang pơhiơ̆. Hăm sơnong jang jĭ teh đak ASEAN yuk hơlou lơ̆m tơdrong jang hơdoi hăm Jơnŭm jang Mŭk drăm Á - Âu, Việt Nam adoi tơroi gah tơdrong hlôh vao lơ̆m tơdrong pơih să jang hơdoi đơ̆ng ASEAN păng tơring Á - Âu, kiơ̆ đơ̆ng noh pơtruh dôm pơkăp chinh trĭ jing tơdrong pơyua hơdah ăn hơnih jang mŭk drăm păng kon pơlei.