Mă thoi noh, ah 'măng hop akŏm sơkơ̆t hơdah tơdrong jang đei jơnei gah Tơchơ̆t hơtŏk tơmang pơhiơ̆, Hơnih jang vei lăng kon pơlei dêh char Khánh Hòa băt hơdah adoi oei lơ tơdrong tam mă ƀlep lơ̆m hơtŏk tơmam drăm pơchơt pơhiơ̆, tơdrong jang mŭk drăm ah kơmăng, dơnŏk duk jang tơmang pơhiơ̆. Atŭm hăm noh, tơmoi đơ̆ng teh đak đe adoi tam mă đei lơ, akŏm lơ̆m minh ƀar teh đak nhen Hàn Quốc, Trung Quốc, Nga.

Yak kiơ̆ pơkăp đei jơnei păng tơchơ̆t sơng đei 20 triu tơmoi lơ̆m sơnăm ou, Hơnih jang vei lăng kon pơlei dêh char Khánh Hòa athei hơlen pơkăp, hơmet ming dơnŏk duk; hơtŏk tơdrong jang mŭk drăm ah kơmăng, tơmang pơhiơ̆ pơlei pơla; hơlen pơm tơlĕch dôm tơmam drăm 'nao nhen tơmang pơhiơ̆ Halal, tơmang pơhiơ̆ lơ̆m duk đak dơsĭ păng pơih să tơmoi đơ̆ng lơ teh đak lơ̆m kơpal teh.