Tơ̆ Nha Trang, lơ khăch sạn đơ̆ng 3 truh 5 sao đe chih măt oei jê̆ 70%; minh ƀar hơnih oei 'lơ̆ng noh hloh 90%. Dôm hơnih oei tơ̆ Phan Rang, Ninh Chử, Vĩnh Hy adoi đei lơ tơmoi truh oei. Khánh Hòa dang ei đei hloh 1.400 hơnih oei pơdơh hăm pơhlom 70.000 lăm, mă kăl noh lơ̆m dôm năr lêh. Mă lei, kơsô̆ lăm pơdơh đei chih măt oei pơtoi tŏk lơ, akŏm tơ̆ dôm hơnih tơjê̆ đak dơsĭ.

Ƀok Trần Tấn Ngọc, Kơdră pơgơ̆r hơnih khăch sạn tơ̆ trong Trần Phú, phương Nha Trang, ăn tơbăt, lăm oei đei chih măt lơ̆m dôm năr lêh đei pơhlom đơ̆ng 80-90%. Kiơ̆ kơ ƀok Ngọc, mă kơjă lăm oei tơ̆ Khánh Hòa tam mă tŏk kơjung, tơmoi oei chih măt oei lơ vă tang găn ưh đei hơnih oei lơ̆m dôm năr lơ tơmoi truh.