Pơma ah jơ pơtơm, Trung tướng Lê Ngọc Hải, Kơdră Kuân khu 5 ăn tơbăt, Đăk Lăk jing tơring mă blŭng lơ̆m Kuân khu pơgơ̆r pơhrăm hơmŏ tơjră kơnê̆ kơ dêh char lơ̆m jăl jang 2026 – 2031. Tơdrong pơhrăm jing kăp gĭt vă pơtoi pơm kiơ̆ kơjăp tơchơ̆t tơlĕch đơ̆ng Đảng, khôi luơ̆t teh đak gah pơjing tơpôl tôm kon pơlei tơguăt vei sơđơ̆ng tơ̆ tơring.

Atŭm hăm noh hơtŏk tơdrong pơgơ̆r kơ dôm jăl jang, jơnŭm pơgơ̆r tơring; tơgŭm pơm jang ăn dôm hơnih jang, khul linh lơ̆m tơdrong pơm jang hơmŏ vei sơđơ̆ng tơpôl păng tơdrong jang kơ jơnŭm pơgơ̆r tơring 2 tăl; mă kăl noh lơ̆m tơdrong iŏk jang vei lăng sơđơ̆ng tơpôl tơ̆ tơring.