Khu 5 jĭ tơring teh  "pơgê găn 'mi kial kơsơ̆ găn tŏ unh"; đei anih dơ̆ng kăp gĭt gah khul linh, vei sơđơ̆ng tơpôl teh đak. Lơ̆m dôm sơnăm kơ ou, khul linh Kuân khu 5 hlôi keh đang tơnăp sơnong jang, pơjing tơring pơgăn kơjăp sơđơ̆ng; tơgŭm kon pơlei hơtŏk mŭk drăm, sut lê̆ pơngot tơjur hin dơnuh... Tang măt ăn Kơdră Đảng păng Teh đak, Thủ tướng Phạm Minh Chính hlôi pôk Mê đai Hồ Chí Minh ăn Khul linh Kuân khu 5 – tơmam hơpah kăp gĭt vă pôk bơnê ăn tơdrong plang, păng tơdrong juăt jue nuih mơng kơ khul linh lơ̆m 80 sơnăm tơ-iung pơjing, păng vơ̆ pran kơtang. Thủ tướng lui ngeh, khul linh Kuân khu 5 pơtoi chĕp vei tơdrong juăt jue nuih mơng noh, hơdrin đei jơnei, tơgop tih tên ăn tơdrong jang tơ-iung pơjing păng vei lăng teh đak.

Ƀơ̆t 'măng ou, Thủ tướng teh đak bơ̆n Phạm Minh Chính năm hop akŏm păng pơgơ̆r lêh pơtơm ming man Hnam trưng hŏk oei hơdoi Jăl kơđeh păng Trung hŏk kơ sở xah Tây Giang, pơlei tơm Đà Nẵng. Tơđrong ming man đei kơsô̆ jên pơkăp hloh 260 tih hlj, hơmŏ gô keh đang ah tong hơnê̆ sơnăm kơnh.