Dôm tơdrong đei apĭnh tăp dăr rim trong xek tơlang rim bơngai, khŭl pơm glăi chĭh tơlĕch nơ̆r hơlĕnh pơdăr, pơma kơnê̆, pơma ư̆h kơ ƀlep lơ̆m rim trang kơtơ̆ng ang điên tư, kơpi iŏk, tĕch mơdro glăi rim tơdrong kơtơ̆ng ang au to kơ rim bơngai, hơlĕnh pơdăr hăm kmăi kmŏk hơgei.

Ƀok Nguyễn Mạnh Hùng tơbăt: sơ̆ lăp đei tơƀô̆h tơbăt tơ̆ rim hơnih chĭh kơtơ̆ng ang, kiơ̆ tơdrong tơchơ̆t, dôm hơnĭh jang kơtơ̆ng ang hơlen tôch kơ brĕ, sơđơ̆ng ƀlep hăm khôi luơ̆t. ƀar sơnăm au ki đei trong ‘nao, ‘nŏh tơƀô̆h ad network ( mạng tơƀô̆h tơbăt trư̆k tuyên pơm kơdranh), kơna rim hơnĭh chĭh kơtơ̆ng ang nhen lĕ ư̆h kơchĭu pŭ tơdrong au. Dơnŏ anĭh tơm hlôi dăr lăng, lăng hơlen, rim hơnĭh jang kơtơ̆ng ang hlôi băt hlô̆h ƀô̆h hơdăh tơdrong au. Jei lơ̆m năr 4/11, Kơdră chĕp pơgơ̆r Dơnŏ anĭh tơm vei lăng ming man Nguyễn Thanh Nghị hăm rim kơdră chĕp pơgơ̆r Tĕh đak hlôi tơl hơdăh păng tôm tong dôm nơ̆r tơgop đơ̆ng rim bơngai tang măt Kuô̆k hô̆i găh tơdrong ming man.