Hơnơ̆ng tơdrong bơ̆ jang ‘Măng hop akŏm mă 4, Kuôk hô̆i jăl 15, pơgê (07/11), dôm bơngai tang măt pơma dơnuh tơ̆ hơnih hop akŏm tơm hăm 2 hla ar chih ming tơdrong Tơchơ̆t găh: “ Jang pơlong lăng 1,2 trong jang tơgŭm hơdrô̆ hơtŏk tơiung pơlei tơm Buôn Ma Thuột, dêh char Dak Lak” păng “ Jang pơlong lăng tơdrong pơgơ̆r tĕch kơ ƀang kơ sô̆ gre ô tô kiơ̆ trong chă rơih bơngai răt”; mơ̆ng hla ar chih pơ truh păng tơ roi tơ băt dăr hơ len Luơ̆t Chă rơih bơ ngai răt ( hơmet ming). Pơma dơnuh găh hla ar chih ming tơdrong tơchơ̆t găh jang pơlong lăng 1,2 trong jang tơ gŭm hơ drô̆ hơtŏk tơiung pơlei tơm Buôn Ma Thuột, dêh char Dak Lak, dôm bơngai tang măt Kuôk hô̆i adoi pơma hơdăh ‘nâu jĭ tơdrong kăl vă pơjing păng hơtŏk tơiung pơlei tơm Buôn Ma Thuột jing anih kơdrơ̆m, jang tôch kơtŏk kơ tơring Tây Nguyên, yua thoi noh dôm trong jang tơgŭm hơ drô̆ kăl kơ pran kơtang păng athei đei trĕng lăng.

Tơ̆ hơnăp kơnh, Khŭl kơdră teh đak pơjing trong jang tơgŭm hơdrô̆ ăn pơđĭ tơring Tây Nguyên kiơ̆ Tơchơ̆t 23 đơ̆ng Anih tơm Chĭnh trĭ găh trong jang hơtŏk tơiung mŭk drăm - tơpôl păng vei lăng sơđơ̆ng tơring Tây Nguyên truh sơnăm 2030, lăng truh sơnăm 2045, Khŭl kơdră teh đak gô hơlen lăng, dăr lăng vă dôm trong jang tơgŭm âu yak mơ̆t tơdrong arih sa, pơtôch hơlen lăng vă tơmơ̆t dơ̆ng mă lăp.