VOV4.Bahnar - Đơ̆ng rŏng 19 năr bơ̆ jang tôch tơ năp, kơ sơ̆ brei (16/6) hop akŏm mă 3 Kuô̆k hô̆i jăl XV hlôi jang đang rim tơ drong lơ̆m hop akŏm păng pơ gơ̆r hôp jơ mă hơ tuch. Adrol kơ ƀok Kơ dră Kuô̆k hô̆i Vương Đình Huệ pơ ma pơ tôch hop akŏm mă 3 Kuô̆k hô̆i jăl XV, dôm bơ ngai tang măt drơ̆ng nơ̆r ăn tơ drong Tơ chơ̆t găh tơ drong jang Dăr lăng "jang kiơ̆ tơ drong tơ gŭm, khôi luơ̆t găh tơ proh trong jang iŏk đơ̆ng Luơ̆t tơ proh trong jang đei yoa"; Tơ drong tơ chơ̆t apinh jet păng tơl nơ̆r apinh jet.

‘Măng Hop akŏm mă 3, Kuô̆k hô̆i jăl XV

Kuô̆k hô̆i oei drơ̆ng nơ̆r ăn tơ drong tơ chơ̆t đơ̆ng hop akŏm mă 3, Kuô̆k hô̆i jăl XV, lơ̆m nŏh đei tơ drong pơ dui khei ‘năr jang kiơ̆ tơ drong tơ chơ̆t kơ sô̆ 42/2017 đơ̆ng Kuô̆k hô̆i găh jang pơ long năng hơ met pơ ‘lơ̆ng jên hre kơ nê̆ tơ̆ dôm anih asong tŏk iŏk jên; tơ drong đei ƀơm truh tơ drong jang pơm Trong Hồ Chí Minh păng tơ drong tơ plih jên jang vă asong tŏk iŏk dơ̆ng, dơ̆ng tang ăn Khul kơ dră tĕh đak tơ lĕch jên tĕh đak păng dôm tơ drong gĭt kăl nai kơ tĕh đak.

Dơ̆ng: Tơ blơ̆