VOV4.Bahnar - Kơ sơ̆ ‘năr 11/1, tơ̆ jơ pơ tôch ‘măng hop akŏm ưh kơ ê ‘măng mă mônh, Kuôk hô̆i jăl 15, rim bơ ngai tang măt Kuôk hô̆i hlôi pơ gơ̆r yơ̆r ti pơ drơ̆ng kiơ̆ Tơ drong tơ chơ̆t pơ long lăng 1,2 trong jang tơ gŭm hơ drô̆ hơ tŏk tơ iung pơ lei tơm Cần Thơ hăm 92,79 bơ ngai tang măt drơ̆ng lăp, Tơ chơ̆t đei tơ mơ̆t yua đơ̆ng ‘năr 1/3/2022 păng đei jang kiơ̆ lơ̆m 5 sơ năm. Tơ drong tơ chơ̆t đei pơ drơ̆ng kiơ̆ gô pơm tơ drong hiôk vă Cần Thơ hơ tŏk rim tơ mam ‘lơ̆ng, đei yua, sơng đei lơ kon jên vă tơ mơ̆t jang lơ̆m dôm tơ drong jang pran vă hơ tŏk tơ iung hrĕnh, kơ jăp, tơ tĕnh jing anih kơ drơ̆m tơm tơ ring tơ măn đak krong Cửu Long hăm lơ tơ mam ‘lơ̆ng, hiôk vă hơ tŏk tơ iung găh choh jang sa, kơ măy kơ mŏk, tơ mang lăng, tơ klep hơ dai mơ dro sa păng jang hơ dai apŭng plĕnh teh. Tơ drong Kuôk hô̆i pơ drơ̆ng kiơ̆ Tơ drong tơ chơ̆t pơ long lăng 1,2 trong jang tơ gŭm hơ drô̆ hơ tŏk tơ iung pơ lei tơm Cần Thơ gô jing tơ drong ‘lơ̆ng vă Cần Thơ jang tŏk ‘lơ̆ng tơ̆ hơ năp kơnh.

Thuem: Tơ blơ̆