VOV4.Bahnar - ‘Năr 25/5, ‘măng hop akŏm mă 3, Kuôk hô̆i jăl 15 hơ nơ̆ng bơ̆ jang hăm lơ tơ drong tơm gĭt kăl. Tơ̆ pơ gê Kuôk hô̆i pơ ma dơ nuh tơ̆ grŭp găh Hơ len lăng tơ mơ̆t dơ̆ng pơ tôch bơ̆ jang kiơ̆ trong tơ lĕch jang hơ tŏk tơ iung mŭk drăm - tơ pôl păng jên jang teh đak dôm khei blŭng sơ năm 2022; Kĭ ăn jên jang teh đak sơ năm 2020; tơ drong jang bơ̆ jang kiơ̆ ‘mơ ‘met, tơ jră brăh brư sơ năm 2021; tơ drong pơ tôch bơ̆ jang kiơ̆ tơ drong tơ chơ̆t kơ sô̆ 42 đơ̆ng kuôk hô̆i găh pơ long lăng hơ met pơ ‘lơ̆ng hre kơ nê̆ đơ̆ng rim anih jang asong tŏk iŏk jên păng tơ drong pơ dui đunh khei ‘năr tơ mơ̆t yua pơ đĭ tơ drong hơ găt đơ̆ng Tơ chơ̆t kơ sô̆ 42. Tơ̆ kơ sơ̆, Kuôk hô̆i mơ̆ng hla ar tơ roi tơ băt, hơ len lăng Luơ̆t Khăm jĭ, hơ met jĭ ( hơ met ming); mơ̆ng tơ roi tơ băt tơ blang, chih iŏk, hơ met ming Luơ̆t Sirima (hơ met ming) păng pơ ma dơ nuh tơ̆ hnam hop akŏm tơm găh 1,2 tơ drong oei tơ gop nơ̆r pha ra băl đơ̆ng Luơ̆t Sirima (hơ met ming).

Thuem: Tơ blơ̆