VOV4.Bahnar - Hơ nơ̆ng tơ drong jang ‘măng mă 3, Kuôk hô̆i jăl 15, pơ gê (26/05), Kuôk hô̆i pơ ma dơ nuh tơ̆ hnam hop akŏm tơm găh 1,2 tơ drong oei đei tơ gop nơ̆r pơ ma băl đơ̆ng Luật Cảnh sát cơ động. Tơ̆ jơ pơ ma dơ nuh, dôm bơ ngai tang măt Kuôk hô̆i tơ ƀôh tơ drong drơ̆ng lăp ‘lơ̆ng hăm hla ar tơ roi tơ băt, chih iŏk, hơ met ming Luơ̆t Cảnh sát cơ động. Vă hơ nơ̆ng chih pơ keh Luơ̆t, dôm bơ ngai tang măt Kuôk hô̆i hlôi akŏm tơ gop nơ̆r pơ keh dôm trong jang tơ gŭm tih, hơ găt găh tơ drong jang, hơ năp jang, tơ drong gơh jang, vă pơ jing khŭl linh Cảnh sát cơ động kach mang, chính quy, pran hơ gei, ‘nao. Vă khŭl linh cảnh sát cơ động jang đang ‘lơ̆ng hơ năp jang đei hơ drô̆, dôm bơ ngai tang măt Kuôk hô̆i kŭm vang tơ gop nơ̆r găh hơ năp jang pơ gơ̆r, jang hơ dai hăm rim khŭl linh nai lơ̆m dôm hơ năp jang nhen: vei sơ đơ̆ng tơ ring sơ lam, pơ gơ̆r tơ drong dŏng tơ gŭm, dŏng tơ drong truh lơ̆m đak dơ sĭ.

Thuem: Tơ blơ̆