VOV4.Bahnar - Hơ nơ̆ng bơ̆ jang lơ̆m hop akŏm mă 3, năr ‘nâu (3/6), dôm bơ ngai tang măt Kuô̆k hô̆i pơ ma nuh tơ̆ grŭp găh Luơ̆t jang đak dâu (oei chih hơ met). Luơ̆t jang đak dâu (oei chih hơ met) vă sek tơ lang 6 tơ drong tơm đei: dôm tơ drong hơ găt ƀơm truh hla ar pơ kăp sir iŏk đak dâu; găh trong hơ len năng, kĭ ăn tơ drong jang sir iŏk đak dâu kiơ̆ rim jăl khei ‘năr tơ chă păng sir iŏk đak dâu; tơ drong hơ găt atŭm ăn tơ drong jang sir iŏk đak dâu, đơ̆ng chă hơ len, sir iŏk, chơ chuĕn truh hơ met pơ ‘lơ̆ng; atŭm hăm ‘nŏh pơ ‘nhŏ jên ăn tơ drong jang sir iŏk đak dâu kiơ̆ lô chih pơ kăp lơ̆m hla ar jang hơ doi găh đak dâu.

Tơ drong ‘nao lơ̆m luơ̆t ‘nŏh jĭ trong tơ gŭm thuê̆ iŏk yoa hăm anih tĕch mơ dro đei 25% păng jên iŏk pơ dreu tôch đa ‘nŏh 80% hăm dôm lô đak dâu đei xa yoa trong tơ gŭm tơ mât jên jang gĭt kăl. Hăm dôm tơ drong tơ gŭm đei tơ lĕch lơ̆m ‘măng hơ met ming âu đei hơ mĕng gô hơ tŏk hrĕnh tơ drong tơ chă, hơ len năng vă chă đei anih đei đak dâu ‘nao pơ gơ̆r sir iŏk dơ̆ng, atŭm hăm ‘nŏh hơ met pơ ‘lơ̆ng đei tơ drong krê lơ̆m tơ drong năm chă, sir iŏk đak dâu.

Dơ̆ng: Tơ blơ̆