Trong pơ prŏ jang mŭk drăm-tơpôl sơnăm 2023 kơ yuơ Thủ tướng teh đak Phạm Minh Chính pơma tơbăt tơ̆ hop akŏm blŭng a ‘Măng hop akŏm Kuô̆k hô̆i pơma hơdăh trong jang hơnơ̆ng tơlĕch jang hơdrol vei kơ jăp sơđơ̆ng jang muk drăm, vei lăng kơ jăp kơjă tŏk jur, pơtrŭt kơtang tŏk lơ, sơđơ̆ng tơdrong jang mŭk drăm. Vei lăng kơ jăp tang găn jơnei jĭ jăn.

Lơ̆m 12 tơdrong jang mă Khul kơdră tơlĕch ăn, akŏm iung jang hơdrol vei kơ jăp sơđơ̆ng mŭk drăm, tang găn kơ jă tŏk jur; pơm pơkeh tơdrong tơchơ̆t; atŏk jơnei iung jang kiơ̆ khôi luơ̆t; Pơtrŭt kơtang iung jang tang găn sa pơgơ̆m pơjĭp; atŏk kơtang jang kiơ̆ ‘lơ̆ng, jơnei vei lăng tĕh đak. Lăng kơ jăp atŏk tơ iung tôm tong păng hrơ̆p mĭnh ‘măng rim tơdrong jang oei sa jŏh ayŏ, sơđơ̆ng ‘lơ̆ng hơ iă ƀar păh atŏk tơ iung mŭk drăm hăm oei sa jŏh ayŏ, tơpôl, sơđơ̆ng tơpôl, atŏk kơtang oei sa sơđơ̆ng dơ̆ng kơ jăp kơ kon pơlei.