Pơma ƀât blŭng hop akŏm, Kơdră Kuô̆k hô̆i Vương Đình Huệ ăn tơbăt, kiơ̆ tơdrong ‘mĕh vă tôch gĭt kăl tơ̆ yăn âu, lăng kiơ̆ tơdrong hơgăt đơ̆ng Khôi luơ̆t tơm, Luơ̆t Pơgơ̆r Kuô̆k hô̆i păng tơdrong Hơgăt hăm Hop akŏm, tơ̆ hop akŏm âu vă set hơlen, tơchơ̆t 1,2 tơdrong tih, gĭt kăl nhen:

Tơproh trong jang atŭm kơ tĕh đak đơ̆ng 2021-2030, trong jang truh sơnăm 2050; Luơ̆t Khăm hơmet jĭ (oei chih hơmet); pơtôch, hơlen năng tơdrong jang kiơ̆ trong tơgŭm hơdrô̆ ăn tơdrong tang găn jĭ COVID-19 đei chih lơ̆m Tơdrong tơchơ̆t kơsô̆ 30 kơ Kuô̆k hô̆i; găh jên hu, tơdrong thu mong, tơlĕch jên jang kơ tĕh đak.

Mă loi, tơ̆ hop akŏm ưh ê ‘măng mă 2 âu,  Kuô̆k hô̆i vă set hơ len, asong pơdơ̆h jang pơm bơngai tang măt hăm 1,2 ‘nu bơngai tang măt Kuô̆k hô̆i păng set hơlen, kĭ pơ kăp asong pơdơ̆h jang, pôk hơtŏk dơ̆ng 1,2 ‘nu bơngai jang lơ̆m Khul kơdră tĕh đak.