Kiơ̆ pơkăp jang, lơ̆m 'năr âu (8/11) păng pơgê dơning (9/11), bơngai tang măt ăn Kuôk hô̆i pơma đam tơ̆ hnam akŏm găh dôm tơdrong tơroi pơm jang đơ̆ng Kơdră Anih Xek tơlang tơdrong yoch lơ̆m tơpôl, Kơdră Anih tơm jang Hơlen tơdrong yoch lơ̆m tơpôl; tơdrong tang găn păng tơjră xa pơjĭp păng pơm glăi kơluơ̆t; tơdrong pơm kiơ̆ pơkăp xek tơlang păng tơdrong jang tang găn păng tơjră xa pơjĭp xơnăm 2022.

Dôm tơdrong pơm glăi đei tơrĕk truh Anih jang kôh phân Việt Á; Anih jang tang măt, Anih tơm jang Tơbôl; Anih jang FLC… păng lơ tơdrong đei tơrĕk truh pơm yoch xa pơjĭp păng pơgâ̆m kơyuơ kơchư̆k 'lŏ lơ̆m khei năr âu ki hlôi đei xek tơlang tơnăp păng hơtŏ hơnơ̆ng, vă pơtho akhan răh, păng pơjuă răh. Mă lei tơdrong pơm yoch tơrĕk truh tơdrong xa pơjĭp păng pơgâ̆m kơyuơ kơchư̆k 'lŏ duh tam mă tơjur mă oei ƀôh tŏk lơ, truh 33%. Lơ̆m pơma đam găh tơdrong âu, rim bơngai tang măt ăn kuôk hô̆i pơkăl tơblang hơdăh hloh păng tơblang hơdăh vă tang găn tơdrong pơm yoch xa pơjĭp păng pơgâ̆m kơyuơ kơchư̆k 'lŏ.