Năr 4/12, Kuô̆k hô̆i pơma dơnuh tơ̆ hnam hop akŏm găh hla bơar chih tơbăt tơdrong bơ̆ jang jăl jang 2021–2025, đơ̆ng Kơdră chĕp pơgơ̆r teh đak, Khul kơdră chĕp pơgơ̆r Teh đak, Kuô̆k hô̆i, Hơnih jang Jô̆ hơlen kon jên hu bơ̆ jang teh đak, Hơnih tơm xek tơlang păng Viện kiểm sát nhân dân tối cao. Rim kơdră tang măt sơkơ̆t hơdăh jăl jang 2021-2025 đei pơgơ̆r lơ̆m jơ ‘năr tơnap tap, long kơtang, mă lei teh đak bơ̆n oei vei kơjăp sơđơ̆ng, tŏk mŭk drăm đei vei kơjăp păng đei hơyak pran kơtang. Kơdră tang măt Kuô̆k hô̆i hơpơi ‘meh vă lơ̆m jăl jang truh ou kơnh, Kuô̆k hô̆i hăm Khul kơdră chĕp pơgơ̆r teh đak hơnơ̆ng iung jang hơdoi kơjăp, pơjing đei hơyak pran kơtang hloh dơ̆ng ăn atŏk tơ iung teh đak. Lơ nơ̆r tơgop athei Kuô̆k hô̆i atŏk kơtang jang ‘lơ̆ng hơnăp jang “yak hơdrol mĭnh hơyak găh tơdrong tơchơ̆t”, iung jang tang găn hơlou kơtang hăm dôm tơdrong đei ƀôh yan ou, lăng tơdrong tơchơ̆t ‘noh “hơyak pran kơ atŏk tơ iung”. Hơdrol kơ ‘noh, kơsơ̆ năr 3/12, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Trần Thanh Mẫn vang năm Hop akom pơtôch bơ̆ jang jăl jang XV kơ Khul kơdră tang măt kơpal kơ Kuôk hô̆i tơring.