VOV4.Bahnar - Kơsơ̆ năr 10/1, hơnơ̆ng pơgơ̆r ‘Măng hop akŏm hăt hot ‘măng mă blŭng, Kuô̆k hô̆i pơma dơnŭh Tơdrong vă jang pơm trong Glung rĕnh Tu-Pơbăh găh Hơlĕch jăl jang 2021-2025. Tơ̆ ‘măng pơma dơnuh, rim kơdră tang măt drơ̆ng nơ̆r kơtang hăm tơdrong tơmơ̆t jên jang pơm trong glung rĕnh Tu-Pơbăh găh Hơlĕch. Tơdrong tơmơ̆t jên jang ư̆h khan vă atŏk kĕ pơjei kơ tơdrong jang muk drăm lơ̆m khei ‘năr vang mơ̆t hơdoi kơtang, mă lei oei tơgop pơm keh đang trong nơnăm ‘lơ̆ng hơ iă, pơjing đei jơhngơ̆m pran vă atŏk tơ iung mŭk drăm-tơpôl păng vei lăng sơđơ̆ng tĕh đak-sơđơ̆ng tơring. Kơdră tang măt athei kăl pơm hơdăh tơdrong trŏ ƀlep kơ tơdrong vă jang hăm trong tơlĕch jang kăl, trong pơ prŏ atŏk tơ iung mŭk drăm-tơpôl păng rim tơdrong pơprŏ đei ƀơm trŭh. Kơsơ̆ năr 11/1, Kuô̆k hô̆i pơgơ̆r pơtôch ‘Măng hop akŏm hăt hot ‘măng mă blŭng.

Tơblơ̆ nơ̆r: Amazưt