VOV4.Bahnar - Năr 1/6, Kuô̆k hô̆i hlôi pơgơ̆r hop akŏm tơ̆ hnam hop akŏm, akŏm pơma dơnŭh găh lăng hơlen tơmơ̆t dơ̆ng pơtôch jang kiơ̆ trong pơ prŏ jang atŏk tơ iung muk drăm-tơpôl păng kon jên jang tĕh đak. Rim Kơdră tang măt hôn bơnê kơtang dôm tơdrong iŏk đei hơ iă lơ̆m tang găn jĭ hơbuh Covid-19. Mă lei, lơ kơdră tang măt jei tơbăt jơhngơ̆m “tôch pơngơ̆t” mư̆h “đei jên mă lei ư̆h kơ gơ̆h tơlĕch”. Adoi athei Khŭl Kơdră tĕh đak lăng ba kơ jăp hlŏh dơ̆ng hơmet ming kơ jă đak xăng đak dau păng phe ƀa. Ƀơ̆t măt iung jang pơm sơđơ̆ng mŭk drăm, tang găn kĕ kơ jă tŏk măt, sơđơ̆ng erĭh sa kon pơlei. Rim Kơdră tang măt hlôi tơlĕch lơ trong jang vă pơtrŭt atŏk tơ iung mŭk drăm lơ̆m khei năr kơnh mă kăl ‘nŏh jang keh đang trong tơlĕch jang mŭk drăm tĕh đak bơ̆n tŏk 6-6,5%, tang găn kĕ tŏk jur kơ jă 4% lơ̆m sơnăm au. Lơ̆m au athei Khŭl kơdră Tĕh đak kăl pơjing rim trong jang hrơ̆p mĭnh ‘măng, đơ̆ng kơ đĕh năr, đunh ƀiơ̆ păng đunh đai, trŏ lăp hăm rim tơdrong hơmet ăn hơdrol; mă kăl ‘nŏh lăng ba kơ jăp trŭh tơdrong jang chŏh jang mĭnh tơdrong jang tơm gĭt kăl hlŏh lơ̆m khei ‘năr tĕh đak tơ ƀơ̆p tơnap tap.

Tơblơ̆ nơ̆r: Amazưt